കാട്ടില്‍ കൊഴിഞ്ഞില്ല, ആ നാട്ടു പൂവ്

ട്വിറ്റര്‍ ഫീഡിലെ 140 അക്ഷരങ്ങള്‍ക്കുള്ളിലാണ് നടുക്കത്തോടെ ആ വാര്‍ത്ത വന്നത്. ജപ്പാനില്‍, ഒരമ്മയും അച്ഛനും ഏഴു വയസ്സുകാരന്‍ മകനെ കാട്ടിലേക്ക് പറഞ്ഞയച്ചു. അവന്റെ വലിയൊരു കുസൃതി-കാറിലിരുന്ന് മറ്റുള്ളവരെ കല്ലെറിയുക. ഒരു പാഠം പഠിപ്പിക്കാന്‍ മകനെ കാറില്‍ നിന്ന് ഇറക്കിവിട്ട് മാതാപിതാക്കള്‍, അവന്‍ പഠിച്ച പാഠം എന്തെന്നറിയാന്‍ തിരികെ വന്നപ്പോള്‍ യമാട്ടോ തനൂക്ക എന്ന ‘അവന്‍’ അവന്റെ പാടും നോക്കി പോയി. കറുമ്പന്‍ കരടികളേറെയുള്ള ഒരു കാട്ടിലേക്ക് കൈയ്യില്‍ കരുതിയ കല്ലുകളുമായി ഒരു ഏഴു വയസ്സുകാരന്‍. ഇന്ത്യയില്‍ പ്രതിദിനം 120 കുട്ടികള്‍ കാണാതാകുന്നുണ്ടെന്നറിയാം.അതിലൊന്നും ഹൃദയ വേദനയില്ലാതെ അങ്ങ് ജപ്പാനില്‍ കാടു കയറാന്‍ പോയ യമാട്ടോ തനൂക്കയെക്കുറിച്ച് എന്തിന് ആവലാതി? ആവോ, അറിയില്ല. കുറ്റവും ശിക്ഷയും വിധിച്ച് ന്യായാധിപര്‍ ഒരിടവേള കൊടുത്തപ്പോള്‍ പച്ചപ്പിലേക്ക് കയറിപ്പോയ വിചാരണത്തടവുകാരനോട് തോന്നിയ അസൂയ കൊണ്ടാകണം, അവനെ തെരഞ്ഞു കാട് കയറിപ്പോയവരെപ്പോലെ ഞാനും വഴിക്കണ്ണുമായി പിറകെ കൂടിയത്. ദിവസം ഒന്നു പിന്നിട്ടു, രണ്ട് കഴിഞ്ഞു, മൂന്നും നാലും രാവുകള്‍ ഇരുട്ടി വെളുത്തു. തനൂക്ക തിരികെ വന്നില്ല. കുഴിഞ്ഞ കണ്ണുകള്‍, ചുരുട്ടിയ മുഷ്ടികള്‍, പ്ലാസ്റ്റര്‍ ഓഫ് പാരീസില്‍ തീര്‍ത്ത മുഖത്ത് ഈര്‍ക്കില്‍ക്കമ്പു കൊണ്ടു വരച്ചു ചേര്‍ത്തതുപോല തോന്നിപ്പിച്ച ചുണ്ടുകളുള്ള തനൂക്കയുടെ പഴയ ചിത്രം ബിബിസി ഇടയ്ക്ക് പ്രസിദ്ധീകരിച്ചു. ഓരോ ദിവസവും കൊഴിയുമ്പോഴും പേടികളും കൂടി വന്നു. എങ്കിലും കേള്‍ക്കാന്‍ ഏറ്റവും ദുഷിച്ച വാര്‍ത്തയില്‍ നിന്ന് എല്ലാവരും പിന്നോട്ടു വായിക്കാന്‍ തുടങ്ങി, ഇല്ല ഒരു മുത്തശ്ശിക്കഥപോലെ ഇതവസാനിക്കും. അഞ്ചാം നാള്‍ രാത്രി – ഇനിയും അവനെ കണ്ടെത്താനായില്ലെന്ന് വാഷിംഗ്ടണ്‍ പോസ്റ്റ് എഴുതിയതിന്റെ പിറ്റേന്ന്, കാടിനുള്ളിലെ ഒരു സൈനിക കേന്ദ്രത്തിനടുത്ത് നിന്ന് തനൂക്കയെ കണ്ടുകിട്ടി. അഞ്ചര കിലോമീറ്റര്‍ നടന്ന് സൈനിക ക്യാമ്പിലെ കുടിവെള്ള ടാപ്പിനു കീഴെതനൂക്ക വനവാസം അവസാനിപ്പിച്ചു. അഞ്ച് ദിവസങ്ങള്‍ക്കുശേഷം അവന്‍ കണ്ട ‘ആദ്യ മനുഷ്യനാ’യ പട്ടാളക്കാരനോട് അവനെന്താകും പറഞ്ഞത്? കാട്ടില്‍ കരടികളെ കണ്ടത് എന്തായാലും പറയാന്‍ ഇടയില്ല. കൊഴിഞ്ഞുപോകാതെ അഞ്ചു നാള്‍ കാട് കാത്ത, ആ നാട്ടുപൂവ് ഇപ്പോള്‍ ജപ്പാനിലെ ഒരു ആശുപത്രിയിലുണ്ട്. പുതിയൊരു പ്രഭാതത്തില്‍ അത് വീണ്ടും വിരിയും.

You’re staying home. The sun is shining but it’s raining.

– Akira Kurosawa’s Dreams

Advertisements
Standard

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s