@abhy_vm’s Tweet: https://twitter.com/abhy_vm/status/713667480825102336?s=09

Advertisements

Could you explain, why?

“So, you both had a bad time, I mean together?”

“Of course not. No, We had great control over our life. Like everybody else, we had our life perfectly in place until maybe, when we have started to worry about justice. It is like a joke, I mean, If you look into it. When we were together I never spotted a single mistake in anything. nothing bothered us. I was Okay with our life. Our Individual freedoms, the minute selfishness prompted me us to divert from the point. Thinking now, I don’t feel bad about walking away. One can argue, If I were to renounce some pleasures or ideologies in order to fit in I could have saved our days. But problems were not that simple. Imagine that a person who has his aspirations set, dreams yet to be fulfilled walking back from his destiny because he has another person, no matter how important, to comfort. We were there. Self love in its most impeccable-low, we were there, we were not ready to move away fro there. Our individual freedom was more powerful and destructive than anything”

Let me tell you something about me and your mom. Once upon a time, we really loved each other, but as time went by, there just got to be all these things, little things, stupid things, that were left unsaid. And all these things that were left unsaid piled up, like the clutter in our storage room. And after awhile, there was so much that was left unsaid, that we barely said anything at all.

~ The Little Manhattan 

 

വെളുപ്പിന് ഉദിക്കുന്നുവര്‍

ഒരു ദിവസത്തെ തലകീഴായ് മറിക്കാന്‍ ഒരു വ്യക്തിയുടെ സാമീപ്യം മതിയാകും. അയാള്‍ക്ക് നിങ്ങളുടെ ലോകത്തോട് ഒരു ബന്ധവും ഉണ്ടാകാന്‍ ഇടയില്ല, പക്ഷെ ലോകങ്ങളോട് നിങ്ങളെ ബന്ധപ്പെടുത്താന്‍ എളുപ്പം കഴിയും.

അയാള്‍ക്ക് വിലാപങ്ങളെക്കുറിച്ച് ഒന്നും അറിയണമെന്നില്ല, പക്ഷെ നിഷ്‌കളങ്കമായ അയാളുടെ വാക്കുകള്‍ക്ക് കലാപങ്ങളുടെ ഭൂതകാല ഓര്‍മകളിലേക്ക് നിങ്ങളെ തിരികെയെത്തിക്കാന്‍ കഴിയും. അയാള്‍ ചിരിച്ചും, സ്‌നേഹിച്ചും നിങ്ങളോട് യാത്ര പറഞ്ഞ് എളുപ്പം പോകാന്‍ കഴിയും.

അയാള്‍ വിചാരിക്കും നിങ്ങള്‍ അയാളെ പരിചയപ്പെട്ടതില്‍ സന്തോഷമുള്ളവനായിരിക്കും എന്ന്. അയാളുടെ വരവും പോക്കുമല്ല പ്രശ്‌നം. അയാള്‍ കാരണം വീണ്ടും ഉയര്‍ന്നു വന്ന വിലാപങ്ങളും യുദ്ധസ്മൃതികളും വീണ്ടും അടക്കം ചെയ്യാനായിരിക്കും പിന്നീട് നിങ്ങള്‍ കഷ്ടപ്പെടേണ്ടി വരിക.?

ആരുടെ’മാതൃഭൂമി’?

നീണ്ട കുറിപ്പാണ്, വായിച്ചു തുടങ്ങിയാല്‍ അവസാനം വരെ വായിക്കാന്‍ ശ്രമിക്കണം
…………….

ഞാന്‍ ഒരു വര്‍ഷം ജോലി നോക്കിയ പത്രമാണ് മാതൃഭൂമി. ഒരു വര്‍ഷം ഒരു മാധ്യമസ്ഥാപനത്തില്‍ വളരെ ചെറിയ സമയമാണെന്ന് വാദിക്കാം. ശരിയാണ്, എങ്കിലും അല്ലെന്നും അഭിപ്രായപ്പെടാമല്ലോ. മാതൃഭൂമി അന്ധമായി കേരളത്തിലെ യുഡിഎഫ്, എല്‍ഡിഎഫ് രാഷ്ട്രീയത്തെ പിന്‍പറ്റുകയോ, എതിര്‍ക്കുകയോ ചെയ്യുന്ന പത്രമല്ല. അതിന് രാഷ്ട്രീയമുണ്ട് (എല്ലാ പത്രങ്ങളും അവകാശപ്പെടും പോലെ ജനങ്ങളുടെ പക്ഷം എന്ന അബദ്ധമൊന്നും അല്ലെന്ന് പറയേണ്ടതില്ലല്ലോ) എങ്കിലും ആ രാഷ്ട്രീയം ഏതെങ്കിലും പ്രബല രാഷ്ട്രീയ കക്ഷിയുടെ ഓരം പറ്റിയല്ല.

മാതൃഭൂമിയുടെ ഒരു ഉടമ ഒരു രാഷ്ട്രീയ പാര്‍ട്ടിയുടെ നേതാവാണ്. കേരളത്തില്‍ ചലനങ്ങള്‍ സൃഷ്ടിക്കുന്ന വലിയ പാര്‍ട്ടിയല്ല അത്, അതുകൊണ്ടുതന്നെ ആ രാഷ്ട്രീയവും അമിതമായി ഗ്ലോറിഫൈ ചെയ്യുന്നത് മാതൃഭൂമിയുടെ രീതിയല്ല.

മതങ്ങളുടെ കാര്യത്തിലും മാതൃഭൂമിയുടെ നിലപാട് ഇതുതന്നെയാണ് എന്ന് ബോധ്യമുള്ളയാളാണ് ഞാന്‍. പത്രത്തിന് അന്ധമായി ഏതെങ്കിലും മതത്തോട് വെറുപ്പോ, വിയോജിപ്പോ ഇല്ല. മാതൃഭൂമിയുടെ പ്രാദേശിക പേജുകളില്‍ അമ്പലങ്ങളിലെ ചടങ്ങുകളാണ് കൂടുതലെന്നും ഹൈന്ദവ ചായ്‌വാണ് പത്രത്തിനെന്നും ഒരു പൊതു ആരോപണം ഉണ്ട്. അത് പൂര്‍ണമായും ശരിയല്ല. ഹിന്ദു ക്ഷേത്രങ്ങളിലെ വാര്‍ത്തകള്‍ കൂടുതല്‍ ഉണ്ടെന്നത് ശരിയാണ് പക്ഷെ മറ്റ് ചടങ്ങുകളോട് ഒരു വിവേചനവും പുലര്‍ത്താറില്ല. അതുമാത്രവുമല്ല, പ്രാദേശിക പേജിലെ നിലപാടുകളല്ല പത്രത്തിന്റെ എഡിറ്റോറിയല്‍ സ്റ്റാന്‍ഡേര്‍ഡ്.

സ്വവര്‍ഗ്ഗലൈംഗികതയുള്‍പ്പെടെയുള്ള വിഷയങ്ങളില്‍ സുപ്രീംകോടതി സ്വീകരിച്ച നിലപാടിനെ തള്ളാനും, മനോരമയെപ്പോലെ ആ വാര്‍ത്ത ഉള്‍പ്പേജിലേക്ക് വലിക്കാതെ ശക്തമായി വിഷയത്തില്‍ ഇടപെടുകയും ചെയ്ത പത്രമാണ് മാതൃഭൂമി. അമൃതാനന്ദമയീ വിഷയത്തില്‍ മൗനം അവലംബിച്ചതിന് പത്രം വളരെയധികം വിമര്‍ശിക്കപ്പെടുകയും ചെയ്തിട്ടുണ്ട്.

എങ്കിലും ഏതെങ്കിലും തരത്തിലുള്ള വെറുപ്പ് ഈ പത്രം ഉല്‍പ്പാദിപ്പിച്ചിട്ടില്ല. ആ വിചാരത്തിന് വലിയ മങ്ങല്‍ ഏല്‍പ്പിച്ചാണ് തൃശ്ശൂര്‍, കോഴിക്കോട് നഗരം പേജുകളില്‍ സാമാന്യയുക്തിക്ക് ഒരു തരത്തിലും നിരയ്ക്കാത്ത ഒരു കമന്റ് ഇസ്ലാമിക പ്രവാചകന്‍ മുഹമ്മദ് നബിയെക്കുറിച്ച് പ്രസിദ്ധീകരിച്ചത്. മാതൃഭൂമിയില്‍ ജോലി ചെയ്യുന്ന ഒരാളും ചെയ്യുമെന്ന് ഒരു തരത്തിലും വിശ്വസിക്കാന്‍ കഴിയാത്ത തെറ്റായിരുന്നു അത്. പറ്റിയത് ഗുരുതരപിഴവാണ് എന്ന് കണ്ട് പത്രം അത് തിരുത്തി.

നഗരം ഒരു പ്രാദേശിക പേജാണ്, അതിന്റെ ചുമതലയുള്ളയാള്‍ മാത്രമാണ് അത് പരിശോധിക്കാറ് (ലിഖിത നിയമങ്ങള്‍ അങ്ങനെയല്ല). സോഷ്യല്‍ മീഡിയ പംക്തികള്‍ ഒട്ടും മാരകമല്ല എന്നതുകൊണ്ട് – പ്രധാന പത്രത്തിന്റെ തിരക്കില്‍ നിന്ന് അവധിയെടുത്ത് വന്ന് എഡിറ്റര്‍ അത് പരിശോധിക്കാറില്ല. ഇവിടെ ഒരുപക്ഷെ അയാള്‍ പേജ് പോലും കണ്ടിട്ടില്ലെന്ന് ഉറപ്പാണ്.

എന്തായാലും ഗുരുതരമായ തെറ്റിന് മാതൃഭൂമി നിര്‍വ്യാജം ഖേദിച്ചു. മാതൃഭൂമിയുടെ ലേബലില്‍ ഒരിക്കലും സംഭവിക്കാന്‍ പാടില്ലായിരുന്ന തെറ്റായതുകൊണ്ടും പ്രതിഷേധം തീവ്രമായതുകൊണ്ടും രണ്ട് പ്രാദേശിക എഡിഷനുകളില്‍ സംഭവിച്ച തെറ്റിന് കേരളത്തിലെ മുഴുവന്‍ എഡിനുകളിലും ആദ്യ പേജില്‍ മാതൃഭൂമി ഖേദപ്രകടനം നടത്തി.

അതിന് ശേഷം എന്താണ് പക്ഷെ നടന്നത്? ഞാന്‍ വിവിധ ബ്യൂറോകളിലെ എന്റെ മാതൃഭൂമി സുഹൃത്തുക്കളോട് സംസാരിച്ചു. നിരന്തരം ഫോണ്‍കോളുകള്‍ ആണ് എല്ലായിടത്തും വന്നത്. ഭൂരിപക്ഷവും സഭ്യമാണെന്ന് തന്നെ പറയട്ടേ, പക്ഷെ ചിലത് അങ്ങനെയല്ലെന്ന് പറയുന്നതില്‍ ഒരു മടിയുമില്ല.

ഉദാഹരണത്തിന് തൃശ്ശൂര്‍ ബ്യൂറോയില്‍ വന്ന ഒരു ഫോണ്‍കോള്‍ ആവശ്യപ്പെട്ടത്, തെറ്റ് വരുത്തിയ സബ് എഡിറ്ററുടെ പേരും മേല്‍വിലാസവും ആണ്. അയാളെ കൊന്നു കളയുമെന്ന് ഭീഷണിയും മുഴക്കി.

ഈ വധഭീഷണി യഥാര്‍ത്ഥമാണെന്ന് കരുതുന്നില്ല, തികച്ചും വൈകാരികമായി ഏതെങ്കിലും മതയാഥാസ്ഥികന്‍ പ്രതികരിച്ചതായിരിക്കും. എങ്കിലും മുതലെടുപ്പ് ചിലര്‍ തുടര്‍ന്നു. ചിലര്‍ ബ്യൂറോകളില്‍ വിളിച്ച് തെറി പറഞ്ഞ് ആത്മാഭിമാനം വീണ്ടെടുത്തു. ചിലര്‍ പത്രം കത്തിക്കുന്നതില്‍ സന്തോഷം കണ്ടെത്തി. കഴിഞ്ഞ ദിവസം ഒരു കലോത്സവ വേദിയില്‍ വിദ്യാര്‍ത്ഥികളുടെ ദഫ്മുട്ട് പ്രകടനം ചിത്രം പകര്‍ത്താന്‍ എത്തിയ മാതൃഭൂമി ഫോട്ടോഗ്രാഫറോട് ചിത്രമെടുക്കേണ്ടെന്ന് കുട്ടികള്‍ പറഞ്ഞു. മതം അതിവൈകാരികമായത് കൊണ്ട് ഇത്തരം പ്രതികരണങ്ങളില്‍ ഒന്നും പ്രത്യേകിച്ച് ഒരു പ്രതികരണവും നടത്തുന്നില്ല. ഇതെല്ലാം കണ്ടു നില്‍ക്കാന്‍ ഭംഗിയുണ്ടെന്ന് ചിലര്‍ കരുതുന്നുണ്ടല്ലോ.

ന്യൂമാന്‍ കോളേജ് പ്രൊഫസര്‍ക്ക് സംഭവിച്ചതുപോലെ ഒരു ദിവസം രാവിലെ ആരും കാത്തു നിന്ന് മാതൃഭൂമി സബ്എഡിറ്ററെ ആക്രമിക്കുമെന്ന്( ആ വാക്ക് മനപ്പൂര്‍വ്വം ഒഴിവാക്കിയതാണ്) തമാശയ്ക്ക് പോലും ഞാന്‍ ചിന്തിക്കുന്നില്ല. ഇനി ആ സംഭവം ആവര്‍ത്തിക്കപ്പെട്ടാല്‍ അത് ഞങ്ങളുടെ മതമല്ല, അവര്‍ ഞങ്ങളുടെ മതസ്ഥരല്ല എന്നു പറഞ്ഞ് മോഡറേറ്റ് വിശ്വാസികള്‍ക്ക് ഒഴിയാം.

ഈ സംഭവത്തോടെ തീവ്ര ഹിന്ദുക്കളും ഉണര്‍ന്നിട്ടുണ്ട്. ഹിന്ദു ദൈവങ്ങളെ വര്‍ഷങ്ങളായി അപമാനിക്കുന്നതിന് എന്തേ മാതൃഭൂമി ഖേദം പ്രകടിപ്പിക്കുന്നില്ലെന്നാണ് ചോദ്യം. കൊന്നും സംരക്ഷിക്കപ്പെടേണ്ടതാണ് മതം എന്ന് ചിന്തിക്കുന്ന ചിലരെയെങ്കിലും ഇത്തരം കൈപ്പിഴകള്‍ ഉല്‍ബോധിപ്പിക്കുമെന്ന് നൂറ് ശതമാനം വിശ്വസിക്കുന്നു.

തെളിയാന്‍ തുടങ്ങുന്ന ഈ വെള്ളം വീണ്ടും കലക്കുകയും കൂടുതല്‍ ചെറുമീനുകളെ വലയിലാക്കുകയും ചെയ്യുന്നവര്‍ക്ക് അധികകാലം നല്ലകാലം ഉണ്ടാകരുതേ എന്നാണ് ഞാന്‍ ആശിക്കുന്നത്. ചോദ്യങ്ങള്‍ അങ്ങനെ നില്‍ക്കട്ടെ, ഉത്തരങ്ങള്‍ ആരെയും തൃപ്ത്‌പ്പെടുത്തില്ലെന്ന് ഉറപ്പാണ്. മാതൃഭൂമി സുഹൃത്തുക്കള്‍ ഒരു തെറ്റ് പോലും എഴുതാന്‍ ഇനി ധൈര്യപ്പെടരുത്. തിരുത്തല്‍ ഈ സമൂഹത്തില്‍ വലിയൊരു ബാധ്യതയാകുന്നു എന്നാണ് കണ്ടുവരുന്നത്.

ജാഗ്രതയെക്കുറിച്ച്

ജാഗ്രത ജീവിതം ആവശ്യപ്പെടുന്നുണ്ട്. എന്നാല്‍ അധികസമയവും നിങ്ങള്‍ക്ക് ജാഗരൂകരല്ലാതെ ജീവിക്കാം എന്ന ആനുകൂല്യവുമുണ്ട്. സാഹചര്യങ്ങളാണ് ഇത് നിര്‍ണയിക്കുന്ന ഒരു ഘടകം.

നിങ്ങള്‍ക്ക് ഒരു പുതിയ ജോലി ലഭിച്ചാല്‍, അത് നിലനിര്‍ത്തണമെന്ന് തോന്നിയാല്‍, ജോലിയില്‍ നിങ്ങള്‍ ജാഗ്രതയുള്ളവരാകും. വേഗത്തില്‍ ജോലി ചെയ്യാനും, കുറവ് തെറ്റുകള്‍ക്കും നിങ്ങള്‍ ശ്രമിക്കും. അതില്‍ നിങ്ങള്‍ വിജയിക്കും.

ഒരു സാഹചര്യത്തോട്, ഒരു സ്ഥലത്തോട്, ഒരു കസേരയോട് നിങ്ങള്‍ ഇണങ്ങാന്‍ എടുക്കുന്ന സമയമാണ് നിങ്ങളുടെ ജാഗ്രതയുടെ ശക്തി. അത് പൂര്‍ത്തിയായി കഴിഞ്ഞാല്‍ ജാഗ്രതയില്‍ നിന്ന് സൗകര്യത്തിന്റെ വശത്തേക്ക് ജോലി മാറും. ഇത് ഇങ്ങനെയും ചെയ്യാവുന്നതേയുള്ളു എന്ന ബോധ്യം നിങ്ങള്‍ക്കുണ്ടാകും. ഓരോന്നും എത്രമാത്രം പ്രാധാന്യം അര്‍ഹിക്കുന്നതാണെന്ന ചിന്ത നിങ്ങള്‍ ഉണ്ടാക്കിയെടുക്കും. അതാണ് നിങ്ങള്‍ക്കുള്ള ശിക്ഷയും.

കര്‍മ്മത്തിന്റെ വ്യാപ്തിയും ആഴവും മനസ്സിലായിക്കഴിഞ്ഞാല്‍ നിങ്ങള്‍ അത് മറികടക്കാന്‍ ശ്രമിക്കും. ജീവിതം ഒഴുകുന്നതാണെന്ന തിരിച്ചറിവാണ് അത്. നിങ്ങള്‍ കര്‍മ്മത്തെ(ജോലി മാത്രം) മറികടക്കാന്‍ പരിശ്രമിക്കും, അതിനുമുകളില്‍ നിങ്ങളെ പ്രതിഷ്ഠിക്കും. നിങ്ങളുടെ കര്‍മ്മത്തേക്കാള്‍ എത്രയോ വലുതാണ് നിങ്ങള്‍ എന്ന ചിന്തയുണ്ടാകും. അത് നിങ്ങളുടെ ജാഗ്രതയെ കൊന്നു കളയും.

സ്വാഭാവികമായും ഒരു സാധാരണ ദിവസം, വളരെ എളുപ്പത്തില്‍ നിങ്ങള്‍ ഒരു ഗുരുതരമായ തെറ്റ് ലാഘവത്തോടെ വരുത്തും. അത് മറ്റൊരാളള്‍ ചൂണ്ടിക്കാണിക്കും. പക്ഷെ നിങ്ങള്‍ ഒരുപക്ഷെ അത് അംഗീകരിക്കില്ല. രണ്ട് വൈരുദ്ധ്യങ്ങള്‍ അപ്പോള്‍ സൃഷ്ടിക്കപ്പെടും.

ഒന്ന്, അത് തെറ്റായിരുന്നു എന്നും ഒരിക്കലും ആവര്‍ത്തിക്കപ്പെടരുത് എന്നുമുള്ള ബോധ്യം നിങ്ങള്‍ക്ക് ഉണ്ടാകും. രണ്ട്, മറ്റൊരാള്‍ അത് ചൂണ്ടിക്കാണിച്ചു എന്നത് നിങ്ങളെ ദേഷ്യം പിടിപ്പിക്കും. മറ്റൊരാള്‍ നിങ്ങളെ തിരുത്തുന്നതിലെ ഔചിത്യം നിങ്ങള്‍ക്ക് അംഗീകരിക്കാന്‍ കഴിഞ്ഞേക്കില്ല…

(അപൂര്‍ണം)

A man in the mirror

ഉള്ളിൽ തീച്ചൂളയുള്ള ഒരു മനുഷ്യനെക്കൂടി നിങ്ങൾ കാണും. നിങ്ങളെപ്പോലെ എരിയുന്ന ഒരു മനുഷ്യനെ. ഒരു പക്ഷെ നിങ്ങൾക്ക് മുൻപോ, ശേഷമോ നടന്നു തുടങ്ങിയ ഒരാളെ.